Svínaflensan mætt

September fór í sögubækur fjölskyldunnar sem einn blogglatasti (á eftir júlí og ágúst ).

Þetta sumar var hreint út sagt frábært, ég hef tekið miklum framförum og verið mjög meðfærilegur, öllum til ómældrar ánægju.  Farinn að geta verið mikið uppréttur, og einu föllin hafa verið hjá mér þegar hún Björg sjúkraþjálfari hefur komið í heimsókn.

Á laugardagskvöldið fór af stað einhver óværa sem magnaðist, þannig að á sunnudaginn var ekki um neitt annað að ræða en að fara á Barnaspítalann.  Tekin voru alls kyns próf og myndir til að sjá hvað væri að mér og allt kom neikvætt út.  Ég dormaði svona inn og út allan daginn í mikilli vanlíðan en fór að metta aðeins betur um kvöldið þegar pabbi hækkaði í BiPAP vélinni þ.a. hægt var að dæla lofti í gegnum skítinn í lungunum mínum.  Mamma, Sandra og Pabbi skiptust á um að hlúa að mér þann daginn og ég svaf aðeins um nóttina.

Í dag er ég búinn að vera skárri og kom það því flatt upp á settið þegar Ýr hringdi með þær fréttir að kallinn væri bara kominn með SVÍNAFLENNSUNA!   Jahérna, hún Ýr átti nú ekki til orð og fannst með ólíkindum að ég skyldi komast í gegnum fyrsta kúfinn bara á BiPAPinu.  Hver er bestur

Annars er ég núna kominn á Tamiflu sem er veirulyfið ætlað til að berja á svona vírusum.

Góðu fréttirnar eru að nú þarf enga bólusetningu við helv. svína flensunni

 

Biðst enn og aftur afsökunnar á skrifletinni og við sjáum hvort liðið fari ekki að standa sig!

 

Góðar stundir 

Athugasemdir

[Ragnheiður , 5.10.2009 kl. 22:37]

 æj úpps..ekki var það nú það besta að fá. Góðan bata ..

[Vala Björg Arnardóttir (IP-tala skráð) 6.10.2009 kl. 12:37]

Já langt síðan að maður hafi lesið einheverjar fréttir hérna af þér Ragnar minn, það var nú leiðinlegt að heyra að þú hafir nælt þér í þessa bölv.... svínaflensu. Við Elva erum líka hrædd við hana. Vonum að hún nái ekki til okkar. Annars er Elva líka búin að vera með lata bloggara, það tengist kanski þegar henni líður vel eru foreldranir latari að blogga. Vona að allt gangi vel.

Kveðja frá Lux Vala og co.

[Helga Arnar (IP-tala skráð) 6.10.2009 kl. 12:49]

Þú ert náttúrlega bara snillingur að rusla svínaflensunni af þér! Vona að allt gangi vel.

 Kveðja af Skaganum í fallegu haustveðri, Helga

[svana í apótekinu (IP-tala skráð) 6.10.2009 kl. 20:17]

Frétti að þú værir komin með svínaflensuna. Láttu þér nú batna. 

kv.svana

[Anna María, Gummi og Inga Lilja (IP-tala skráð) 7.10.2009 kl. 08:53]

Alltaf gaman að fá fréttir og gott að heyra hvað það hefur gengið vel í sumar.  Gangi þér rosalega vel í baráttunni við svínaflensuna.