Stórt skref í gær

Ég tók stórt skref í gær, ansi stórt.  Ég fór af öndunarvélinni minni í fyrsta skipti í rúmar 3 vikur.  Ég panikaði ekkert og gat verið án vélar í klukkutíma.  Var hress og kátur og spjallaði fullt á meðan, öndunin var samt ansi hröð, púlsinn hár og mettunin ekkert til að hrópa húrra fyrir.  EN ég var alsæll og þvílíkt montinn.  Þetta er sem sagt allt að koma og vonandi get ég verið meira án bipabs í dag :)

Nú er búið að færa mig yfir í svítuna á heimilinu.  Stofunni og borðstofunni var sem sagt breytt í eðalsvítu fyrir mig, prinsinn á heimilinu.  Stofan er komin í gamla herbergiskrókinn minn og borðstofan fór sína lönd og leið :)

Læt fylgja með nokkrar myndir af systkinum mínum, þau eru svo flott:

Siggi í furðufatafótbolta

Athugasemdir

[Ragnheiður , 16.2.2010 kl. 11:03]

Vá en flottur gaur !

Systkinin eru líka flott á myndunum :)

[Binna vinkona (IP-tala skráð) 16.2.2010 kl. 13:16]

Þú ert náttúrulega bara langduglegastur og auðvitað á prinsinn á heimilinu að hafa svítuna í húsinu;)  Flott myndin af Sigga sæta í fótbolta og myndin af Silju að lesa, heyrði hana einmitt lesa í gær og hún les alveg rosa flott.

 Kv. Binna vinkona